Pagliliwaliw Sa Kamaynilaan

To clear things out once more (lalo na sa mga hindi masyadong nagbabasa o kaya naman, kung saka-sakali, ngayon lang napadpad dito), hindi ito isang secret blog. Read the first entry for details, bitches.

Hello sa iyo, blog! Ano'ng meron? Wala lang.

Maya-maya kasi, hindi na naman ako makagagamit ng computer, kaya naman naisipan ko na ring mag-update kahit papaano.

So ano'ng bago? Heto, dito ko na naman naisipang mag-update dahil gulu-gulo ang buhay ko.

O ayan. Lumuwas ako patungong Maynila upang tapusin ang mga dapat iligpit. Nagtungo muna ako sa MaSci at doon, nakita ko sina Kat M, Joco at Mr. Sta. Ana na tila naghihintay ng iba pang mga Lawrence. Mukhang may lakad ang mga bangag. So ayun. Nagulat nga ako nang ako'y magtungo kay kuya Adam.

Ako: Kuya, kukuhain ko lang po yung Form 137 ko.
Kuya Adam: Sandali lang ah.

Biruin niyo 'yun? Hindi man lamang tinanong ang pangalan ko. Makalipas ang ilang segundo, hayun! Pinapasok na niya ako at may mga kaekekan na ipinasulat sa akin. Tapos, voila! Ang galing naman ni Sir Adam! Hehehehehe...

So ayun. Matapos iyon, nagtungo akong PLM upang kuhain 'yung stipend na ilang months ding nadelay (or dinelay!) Pagpasok ko, nakita ko si Mykol na papalabas na at tila masaya. May kasama kasi siya. Anyway, matapos ang isang maikling panayam sa kanya, nagtungo na rin ako sa ICO kung saan nakahimlay ang sekretarya ni Mrs. Patag. Naging mabait na bata naman ako. Tinanong pa nga kung medalist ako. Sabi ko naman, "Opo" Bulong ko naman, "Who cares?!" Tapos, binigyan na rin niya ako ng limpak-limpak na salapi! Bwahahahah! Bago lumayas, nagthank you ako kahit na ilang months nang nadelay yung stipend. Well, at least, meron (kahit ilang months nadelay)

Matapos iyon, dumeretso ako sa isang pwesto malapit sa SM Manila (hindi ko alam ang tawag dun eh). Basta nakiupo lang ako doon. Hayun. Nagtext muna ako sa mga tao since unli ako. Sinabi ko sa kanilang lahat na nasa SM Manila ako. Hindi ko specifically nasabi na nasa labas ako ng SM Manila. Well, pareho rin naman iyon eh, 'diba? Hehehehe... wala lang. So ayun. Pinapunta ako ni Cielo sa KFC kasi nandun daw yung Lawrence. So hayun pala, may lakad pala ang Lawrence.

Bago magtungo sa KFC, umupo muna ako sa harap ng MaSci at tinext ko si Allister. Matapos ang ilang sandali, nagulat ako nang tumalikod ako at boo! Nasa likod ko ang monster! Si Monster Allister! Saya ko naman. Tapos, pagkarating namin sa tawiran papuntang Alva, nakita namin si Cielo na talaga namang sinundo pa kami papuntang KFC.

So ayun. Nandun na sina Iric, Kat M, Mr. Sta. Ana, Joco at Vanir - mga Lawrence people. Hindi naman kami masyadong mukhang sampid nina Allister, 'diba?

Well, anyway, kahit na pawang mga sampid kami, nagtungo pa rin kaming Robinsons, Ermita upang magliwaliw (kasama, of course, ang Lawrence.) Kumain muna kami nina Cielo at Allister sa Food Court habang ang Lawrence people naman ay nagdance maniax. Matapos noon, nagkita kaming muli at nagvideoke. Grabe. Kahit papaano naman, naging makapal din ang mukha namin ni Allister kaya naman hindi na rin kami mukha masyadong sampid, kahit na sa totoo naman talaga, sampid kami.

Noong isang token nalang ang natira, biglang dumating si Super Heavyweight Wrestling Champion Julie Ann Sigua, na nagkwentong pumayat daw siya sabi ng Tita niya. Biro naman ni Cielo, "Baka sinungaling lang 'yung tita mo!"

Matapos magastos ang pinakahuling token, nagpaalam na kaming dalawa ni Cielo. Nagpunta muna kaming rest room. Pagkalabas ko, nakita ko sina Roemel at Arvilind; tila sasama rin sila sa Lawrence. So ayun.

Nagtungo kami ni Cielo sa MCDO, Pedro Gil dahil may pinabibili raw sa kanya ang moody niyang tatay. Matapos niyang hintayin ang order niya, nagpaalam na kami sa isa't isa. Nagtextext muna ako bago ako umuwi. So ayun.

At doon nagtapos ang aking pagliliwaliw sa Maynila.

Pagdating ko ng Times, bumili na rin ako ng pasalubong para kina Jess, MJ, Mark, J-Ann at Kuya Jeff. Mukha talagang papayagan na ako sa outing dahil ang bait ko raw! Well, sana nga...

Ayan. Sige, sa susunod muli. Paalam!